Почитувани родители, ученици и наставен кадар,

 

Со задоволство ве известуваме дека нашето училиште е добитник на значаен проект поддржан од Министерството за образование и наука, кој има за цел промовирање на мултикултурализмот во образованието. Овој проект е насочен кон зајакнување на соработката меѓу учениците со различно потекло и поттикнување на културната разновидност.

 

Преку овој проект ќе се организираат различни едукативни и културни активности, како што се:

 

- Работилници и обуки за толеранција и почитување на различните култури

- Уметнички и јазични активности за поттикнување на меѓукултурната размена

- Развивање на наставни материјали кои ја одразуваат културната разновидност

- Заеднички проекти со други училишта за споделување на искуства и добри практики

 

Му се заблагодаруваме на Министерството за образование и наука за поддршката, како и за посветеноста во создавањето на поотворена и поразновидна средина за нашите ученици.

 

Координатори: Саљате Бектеши & Дитурије Сејфедини

Со почит,

Директор: Сузана Ј. К.